قصة بالبدوي…

هذا سلمكم الله واحد جندي في الجيش الامريكي اثناء احدى الحروب في ارض الله الواسعة ايام المشاكل والحروب ... الله يكفينا الشر.. المهم انها طولت الحرب وابطى عن اهله…
بعد فترة اتصل عليهم وقال يابوي انا جايكم وابشركم العلوم زينة والحرب انتهت…
وتعرفت على زميل لي في المعسكر وصرنا مثل الخوان… ولا اقدر اخليه مرة تعودت عليه ابي اجي انا واياه… وبعدين ترا رفيقي معاق … ما اقدر اتركه….
قالوا اهله يابن الحلال انت تعال نبي نشوفك ورفيقك يروح لاهله وش تبيبه؟؟؟
قال يالربع (حلوه امريكي يقول يالربع) ما اقدر اخليه… الرجال يعز علي وانا وياه صرنا اخوان وابي اجيبه يعيش معنا… (اعقب يالخواجه!!! ذيب يارياجيل ولا يهونن الخوات)
قالو اهله يابن الحلال حنا بلشانين بمصاريفنا ومصاريف البيت ومصاريفك… وتبينا بعد نتحمل مصاريف خويك…
انت صاحي والا مجنون؟؟ تعال انت وكبه عنك….
المهم قال: علمتكم الرجال جايبه جايبه…. الله لايعوق بشرّ…
قالوا اهله: رفيقك ماله مكان عندنا في البيت… خله يشوف له مكان يعيش فيه…
بعد فترة انقطعت اخبار الولد عن اهله وماعاد كلمهم….
بعد شهرين جاهم اتصال من الشرطة…
قالوا انتم اهل الجندي فلان؟؟؟ قالوا: الله الله…. قالت الشرطة نبيكم تجون المستشفى الولد تعبان شويه……..
راحوا المستشفى لقوا الولد قد توفي …
سألوا الشرطة …. ايش فيه الولد ليش توفي؟؟؟؟؟؟؟؟؟؟؟؟
لقو ان الولد لما رجع من الحرب ماراح لاهله..سكن في شقة وبعد فترة رمى نفسه وانتحر..
ناظروا فيه اهله يلقون عليه نظرة اخيرة …. ويتحسرون على ولدهم على مات ما شافوه…
قالوا ليتنا خليناه يجي هو ورفيقه….
المهم ناظروه فيه زين…. لقوا انه معاق….
وكان يبغى يشوف اهله يتقبلونه يوم صار معاق والا لا…………….
فكانت صدمة مابعدها صدمة لاهله … وندموا اشد الندم ولكن بعد فوات الاوان…..
وجيتكم منهم وهم حالتهم حاله … الله يكفينا الشر … ويسعد ايامكم جميعا…..
==================
الدرس المستفاد متروك للقارئ العزيز…. قلبها في راسك وشف كيف ممكن نتعلم شي مفيد من هالقصة…
الدرس الاول: ان الخواجه ذيب وراعي فزعة …………………………………….. اجابة خاطئة… ماهو دايم احيانا يوهق…
الدرس الثاني: ان الخوي مايخلي خويه مهما كان ………………………….. صح لكن اجابة ناقصة اول شي شف وش السالفة…. …..
انتهى الدرس…..
تحياتي للجميع……